hux hux hux...

Á mánudaginn lauk dögum hinna þungu þanka með því að hann Kalli minn skreið undan feldinum og tók þá ákvörðun að þiggja starf hjá Actavis. Hann byrjaði í gær. Já, kallinn er orðinn laumugaflari. Kannski endar maður á því að flytjast í Fjörðinn góða og bjarga Flensborgurum úr klóm hins ógurlega enskukennara...sel það ekki dýrara en ég stal því! Svona gerist víst þegar maður er skilinn eftir einn heima með fullt fangið af tíma til eyðslu...maður byrjar bara að bulla. Best að hætta því í smá stund og snúa sér að alvöru málum, en hann er í alvöru byrjaður að vinna hjá Actavis.

Eins og sést þá er ég búin að breyta nafni bloggsins, enda hitt nafnið orðið úrelt þar sem ég er ekki lengur stödd í hinni stórfenglegu Norður-Ameríku. Mér datt ekkert nafn í hug, er enn að hugsa. Ef einhverjar sniðugar hugmyndir koma í koll ykkar, kæru lesendur, þá megið þið endilega láta þær flakka. Er farin að reyna að eyða tímanum á skynsamlegan hátt...adios amigos.